АКТИВНОСТИСе залагаме за зголемување на свеста за местото и улогата на математиката во науките, технологијата, наставата, природата и културата.
|
СТУДЕНТИТЕ-МАТЕМАТИЧАРИ НА СТУДЕНТСКАТА КОНФЕРЕНЦИЈА НА МЛАДИТЕ УМЕТНИЦИ И НАУЧНИЦИ СКУН 2020
Реконструкцијата на Студентските сојузи и нивната транзиција во Студентски собранија при факултетите на Универзитетот „Св. Кирил и Методиј“ во Скопје, донесе подем кога се во прашање можностите за студентите. Под можности, пред сè, се подразбира нивното активно вклучување во организација на конференции и работилници, поддржани од Универзитетот, но и од Универзитетското студентско собрание.
|
Есента 2020 година, поточно на 13 и 14 октомври, како резултат на организацијата на Факултетските студентски собранија при Природно-математичкиот факултет, Технолошко-металуршкиот факултет и Факултетот за ликовни уметности од Скопје, се организира студентската конференција на младите уметници и научници СКУН. Оваа конференција беше организирана преку средства за електронска комуникација, поточно преку платформата Zoom. Согласно искуствата на досегашните Студентски сојузи, се потврдува дека ова е првата конференција од мултидисциплинарен карактер која има за цел да ги спои науките и областите кои ги негуваат овие факултети.
На конференцијата учествуваа студенти од сите три циклуси на студии, а тоа овозможи разноликост при излагањата на студентите и придонесе за поголем одзив за учество со стручни и научно-популарни трудови од сите области кои ги покриваат овие факултети. Програмата на СКУН беше поделена во пет категории, според структурата на студиските програми на факултетите, но и во зависност од нивната меѓусебна поврзаност, и тоа:
А. Биологија
Б. Хемија и нејзина примена
В. Математички науки и примени
Г. Физика и нејзина примена
Д. Современи материјали и технологии
А. Биологија
Б. Хемија и нејзина примена
В. Математички науки и примени
Г. Физика и нејзина примена
Д. Современи материјали и технологии
Беа одржани точно 17 презентации, од кои во Зборникот на трудови од СКУН, објавен во издание на Технолошко-металуршки факултет (електронска форма) во март 2021 година, беа публикувани 15 трудови. Неправедно е да се изостави фактот дека оваа конференција доби целосна поддршка и од професорите на факултетите. За тоа говорат точно 4 трудови (сите од ПМФ) кои се публикувани во коавторство со најмалку еден професор од соодветната област, како и останатите 11 трудови кои се менторирани, исто така, од најмалку еден професор.
Застапеноста на трудовите од Природно-математичкиот факултет во Скопје на СКУН, изразена во бројки, е точно 10 трудови. Тоа, пак, укажува за големиот интерес на студентите и желбата да истражуваат во оние области и гранки од науката кои се од нивен интерес. Во фокусот на оваа статија се презентациите и трудовите од студентите на Институтот за математика (ИМ) при ПМФ во Скопје. Во рамките на СКУН, учествуваа студенти од прв и втор циклус студии на ИМ со вкупно 4 презентации. Во прилог ги наведуваме учесниците, по редослед на нивното излагање и линк до презентацијата од трудот:
1. Ангела Здравковска, Воронови дијаграми – конструкција и примени (презентација),
ментор: проф. д-р Ирена Стојковска
2. Благоја Нојков, Споредба на финансиските резултати од работењето на некои правни субјекти од различни општествени дејности, пред и за време на корона кризата – математички осврт (презентација),
ментор: проф. д-р Анета Гацовска-Барандовска
3. Меланија Бошкова, Математичка анализа и симулација на SIR-модел за Ковид 19 (презентација),
ментор: доц. д-р Петар Соколоски
4. Стефан Мирчевски, Верица Бакева-Смиљкова, Две карактеристики на едноканален систем за масовно опслужување со приоритет на опстлужување и селективен отказ на клиенти (презентација).
ментор: проф. д-р Ирена Стојковска
2. Благоја Нојков, Споредба на финансиските резултати од работењето на некои правни субјекти од различни општествени дејности, пред и за време на корона кризата – математички осврт (презентација),
ментор: проф. д-р Анета Гацовска-Барандовска
3. Меланија Бошкова, Математичка анализа и симулација на SIR-модел за Ковид 19 (презентација),
ментор: доц. д-р Петар Соколоски
4. Стефан Мирчевски, Верица Бакева-Смиљкова, Две карактеристики на едноканален систем за масовно опслужување со приоритет на опстлужување и селективен отказ на клиенти (презентација).
Во електронското издание на Зборникот беа публикувани првите три трудови од нашите студенти.
Покрај другото, Стефан Мирчевски, од редот на студенти на Институтот за математика беше дел од Организациониот одбор на конференцијата, но и главен и одговорен уредник на Зборникот на трудови од СКУН.
За повеќе информации ве упатуваме на линкот кој води до Зборникот на трудови од СКУН:
http://www.tmf.ukim.edu.mk/Data/aktuelnosti/%d0%a1%d0%9a%d0%a3%d0%9d-%d0%97%d0%91%d0%9e%d0%a0%d0%9d%d0%98%d0%9a-2021.pdf
http://www.tmf.ukim.edu.mk/Data/aktuelnosti/%d0%a1%d0%9a%d0%a3%d0%9d-%d0%97%d0%91%d0%9e%d0%a0%d0%9d%d0%98%d0%9a-2021.pdf
Известува:
Стефан Мирчевски,
Институт за математика, ПМФ, Скопје
Обjавено на:
23 март 2021 година
Начин на цитирање на статијата:
С. Мирчевски, Студентите-математичари на студентската конференција на младите уметници и научници СКУН 2020, Портал ПОИМ на Институтот за математика, ПМФ, Скопје, 23 март 2021, http://poim-pmf.weebly.com/skun-2020.html
Стефан Мирчевски,
Институт за математика, ПМФ, Скопје
Обjавено на:
23 март 2021 година
Начин на цитирање на статијата:
С. Мирчевски, Студентите-математичари на студентската конференција на младите уметници и научници СКУН 2020, Портал ПОИМ на Институтот за математика, ПМФ, Скопје, 23 март 2021, http://poim-pmf.weebly.com/skun-2020.html
Авторизираните статии објавени на Порталот подлежат на законска заштита. Се забранува користење на статиите без наведување на авторот или изворот.